Palzlied Text

von Die anonyme Giddarischde

Worum geht es in dem Song?

Das Lied 'Palzlied' von 'Die anonyme Giddarischde' ist eine Huldigung an die Pfalz, eine Region in Deutschland, und ihre...

Warscht du ämol uf de Kalmit, oder uf de Dahnerhe
Hoscht du emol ome Herbschdag moins de Newwel steige seh
Bischt mol barfuß durch die Wieß gerennt, oder unner Bäm
Dich bloß hiegeleht die Ache zu un efach bloß geträmt
Des wer alles nix besonnres sagscht du un du mischt jetzt geh
Weil es gäb auser de Palz jo a noch onneres zu seh
Sicher hoscht du recht wonn du sagscht dass ders onnerschtwu a gfallt
Awwer onnerschtwu is onnerscht, und halt net wie in de Palz
Warscht im Summer onem Baggerloch hot dich a Schnog gejuggt
Un du hoscht de liewe lange dach bloß in die Luft geguggt
Bischt du owens mit me sunnebrond uf doim Balkon geleh
Un du hoscht beim sunneunnergang die Schwalbe fliege seh
Des wär alles nix besonnres sagscht du un du mischt jetzt geh
Weil es gäb auser de Palz jo anoch onners zu seh
Sischer hoscht du recht wonn du sagscht dass ders onnerschtwu a gfallt
Awwer onnerschtwu is onnerscht, un halt net wie in de Palz
Kennscht du Trippstadt Herdlingshause Grienschtadt eiseberch un Forscht
Hoscht du emol uf nem Woifscht denne Leid dort zugehorscht
Trinkst du gernemol en Schorle un ischt gern e Lewwerworscht
Gehscht du öfters in die Folle un hoscht mehr wie onnre Dorscht
Des wär alles nix besonnres sagscht du un du mischt jetzt geh
Weil es gäb auser de Palz jo anoch onneres zu seh
Sicher hoscht du recht wonn du sagscht dass ders onnerschtwu a gfallt
Awwer onnerschtwu is onnerscht un halt net wie in de Palz
Awwer onnerschtwu is onnerscht un halt net wie in de Palz
(Die pälzer Sproch is net äfach un ich wäs sellwer net ob ich se rischdisch gschriwwe hab. Ich schreib efach so wie ich babbel, un des is immernoch schwierisch)