Stelutis Alpinis Lyrics

Se tu vens cà sù ta' cretis,
Là che lôr mi àn soterât,
Al è un splàz plen di stelutis:
Dal miò sanc 'l è stât bagnât.

Par segnâl une crosute
Jé scolpide lì tal cret:
Fra chês stelis nàs l'arbute,
Sot di lôr jo duâr cuièt.

Ciol sù, ciol une stelute:
Je 'a ricuarde il néstri ben,
Tu 'i darâs 'ne bussadute,
E po' plàtile tal sen.

Quant che a cjase tu sês sole
E di cûr tu preis par me,
Il miò spirt atòr ti svole:
Jo e la stele sin cun te.