Dil Dhoondhta Hai Lyrics

Dil dhoondhataa hai, phir wahee furasat ke raat din
Baithhe rahe tasawwoor-ye-jaanaa kiye huye

Jaadon kee narma dhoop aur aangan mein let kar
Aankhon pe khinch kar tere aachal ke saaye ko
Aundhe pade rahe kabhee karawat liye huye

Yaa gamreeyon kee raat jo poorawaaeeyaan chale
Thhandee safed chaadaro pe jaage der tak
Taaron ko dekhate rahe chhat par pade huye

Barfeeli sardiyon me kisi bhi pahaad par
Waadi me gunjati huyi khamoshiyan sune
Aankho me bheeege bheege se lamhe liye huye