Leider Songtext

von Baze

Sigsch uf d' Wäut cho, z'Bärn im Frouespitau, dini Mueter hett gschrouä, nach acht Stung bisch chopfs vora itz Läbe grütscht, eifach wunderhübsch, blonds Haar, d'Ouge blau so wie sechs d'Mueter het gwünscht, di Vater Gschäftsmaa und wie immer uf Reise,är gsiechi di ja de wener z'Nächschtmau dahei sig, isch weni gsi I de erschtä Jahr, u z'Mami bim nächschtbeschtä Maa, für di äs nöis Chindermeitschi jedä Dag, hei nur dr TV aagla, Baby hesch nie döfe Liebierfahre, wenn dr niemer d'Chance gä, s'brichter hüt no z'Härz wennd'zrug dänksch, Chindr dussä am spilä u du allei I derä Hüttä vou Gäut.
Hesch dä Barbies d'Haar verbrönnt und ne d'Scheichä usgrisse, ärnschthaft gmeint mir verstö wies usgseht I dir innä, weisch no dä Winter, mir Hand I Hand uf dä Schlööf, u när dä Summer, uf ei Schlag aues zerstört.
S'hätt gar nie dörfe so wiit cho, hei Oug u Ohre verschlosse, hesch nur drvo gret, wär schänkt dire Drohig no Glaubä, nach X Versüech, X Pillene gschlückt, hett jede dänkt, figg di spiut nur mit üs, hesch der d'Arme verschnitte, stouz d'Narbene zeigt, Horizontau, nid so das d'Houptschlagadere breichsch, aus giengs dr allei um d'Beachtig shit, Jedä vo üs hätti tötet fürnä Nacht mit dir, immer eutäri Männer mit no feterä Chäre, weni verständnis wenn's drum geit dass se entsprächen entschädigsch, hei no dr letscht Teil Ching us dr usä bumst, gseit sigsch ä Bitch, u du di no gwundert warum.
Chlini Bitch z'Läbe isch hert, s'wird immer wie herter, säg sisis wärt gsi, die Figgs mit denä Deppä, nöiä Ma, nöiä Style, chum wieder z'erkennä, ghofft dä Tag chunnt wo di vo denä Wixer wirsch trennä.
Itz steisch eifach so vo mir, vili Jahre verstrichä, bleich zeichnet vo Koks, wie tief mä cha sinkä, seisch s'heig aus ke sinn, seig aus verbi, chönschs chum erwarte bis dr z'Seil umä Haus d'Luft nimmt,lug gsesch nid wie Bärge brönne ir Ferni, wie sich plötzlich nöi Wäge eröffne ir Schwerzi, wie di chöntisch fröiä ab em chlinschtä Seich, aber d'Ouge verschliessisch vor luuter Säubstmitleid, weisch, mir Mönschä si nur pisse im Schnee, wo sich dur d'Cheuti kämpft bis ufere Liechtig steisch, s'isch di Entscheid niemer cha di drvo abhautä, d'Richtig z'finde isch nid so liecht wie bim Outofahre.
Vergiss Vergangnigs, chum mir gö vo Brügge ga spöie, luege zue wie dine Ex-Männer iri Hütte abbrönne, mir si no jung, s'cha nur no besser wärde.