1 + 2,3 Songtext

von ATTWENGER

Und 1 und 2, 3
Und oid is nes nei
Und neich is ned oid
Und woam is ned koid

Und koid is ned woam
Und reich is ned oam
Oam is ned reich
Und ungrod ned gleich

Gleich is ned ungrod
Da wong dea hod 4 rod
4 rod hod da wong
Und singa is ned song

Song is ned singa
Und taunzn ned springa
S springa is fesch
A karpf is koa hecht

A hecht is koa karpfa
A zida koa harpfa
A harpfa koa zida
Siaß is ned bida

Bida is ned siaß
Die hend san koane fiaß
Die fiaß sand koane hend
Die nosn koane zent

Dzent san koane nosn
Dhund san koane hosn
Dhosn koane hund
Und graung is ned gsund

Und gsund is ned graung
A tisch is koa baung
A baung san koane stü
Und weng is ned vü

Vü is ned weni
A dreg is koa heni
A heni koa dreg
A schwoatn koa spek

A spek is koa schwoatn
Spün damma auf da koatn
Auf da koatn damma spün
Und dschiffleid foan zün

Zün foan de schiffleid
Dnoan de wean nie gscheid
Nia gscheid wean dnoan
Heama auf mid den schmoan